Wir fördern Niederdeutsch gezielt im Alltag der Menschen

Es gilt das gesprochene Wort!

TOP 21 + 62– Förderung der niederdeutschen Sprache in Schleswig-Holstein

Dazu sagt der minderheitenpolitische Sprecher der Landtagsfraktion von Bündnis 90/Die Grünen,

Dirk Kock-Rohwer:

Sehr geehrte Frau Präsidentin

Leebe Kolleginnen un Kollegen

Bruukt wie en nietes Gesetz för dat Fördern vun de Plattdüütsche Spraak in Sleswig-Holsteen ?

Oder beter : wat doot wi in uns Land för den Erhold und dat Unnerstüten vun de Nedderdüütsche Spraak ?

Plattdüütsch is een Spraak mit Geschicht, mit Literatur, mitTheoter un mit Oldag.

För veele Minschen in Sleswig-Holsteen is Platt een Deel vun ehre Identität.

Vun dorher is dat goot, dat wi hüüt und hier in Landdag doröber

un op Plattdüütsch reden köhnt.

Schutz un Erhold vun de Nedderdüütsche Spraak sind in de Landesverfassung vun Sleswig-Holsteen verankert, Nedderdütsch is uk in de Europäische Charta vun de Regional- un Minnerheitenspraken  nöömt.

Dat Lännerzentrum in Bremen wart föddert

Wi hebbt een zentrum för Nedderdüütsch in Leck un een in Mölln

Wi stütten den Nedderdüütschen Bühnenbund

Genauso de Nedderdüütsche Medienplattform

Un veeles mehr vun’t Sass Wöörbook bit to Ünnerrichtsmaterialien

Dat Fördern fangt in de Kitas an, den dor leernen sik Spraken ganz licht,

dat geiht in 55 Modellscholen  wieder,  mit mehr as 4000 Schölers de dorbi sünd

dorto gehört uk dat Utbillen vun de Lehrkräft, mööglich an de CAU un de Flensborger Eu Uni

uk dat ünnerstütten vun Inrichten för  öllere Lüüd gehört dorto

dat allens  steiht uk in den Bericht  :Fortschreiben des Landesplans Niederdeutsch

un veeeles mehr

Dat wart wi in den Utschuss seker noch genauer beschnacken.

Leeve Kolleginnen un Kollegen

Ick wör segen: wi sind op een gooten Weg.

Dorüm is uns Antrag richtig

Dat Land föddert wo Bedrief besteiht, un wi sekert wat wirken deit.

Aver Plattdüütsch mut sproken warn,

In een Ümfrag vun 2016 gevt 50 % vun de Sleswig-Holsteener an ,  Platt schnaken to könen, 2/3 dorvun menen dat se dat goot bit sehr goot köönt.

ick weet ni ob wi hier int Parlament 50 % tosamen kriegt

87 % köönt Plattdüütsch verstahn

Deshalb shull sik jeder een an sin eegene Näs fotenun sik truen dat eene oder annere Mol uk Platt to schnacken.

In mien Jöögd hebt unsere Öllern mitennanner Platt schnackt aver mit uns Kinner Hochdüütsch. Wi schullen anständiget Düütsch lehren , um in de Schol keenen Nadeel to hebben.

Un hüüt mütt wi dat umdreihen, um dat Plattdüütsche wer to stärken.

Dat steiht uk in den SPD Antrag, aver wi bruukt keen niet Gesetz , sünnern wieder dat Ünnerstütten dör den Landdag, dat fordert wi in uns Antrag.

Platt hört to uns

Un wi sorgt dorför dat dat ok so blifft.

Veelen Dank